ໂຮງ ຮຽນ ສາ ກົນ ຝຣັ່ງ

ຍິນດີຕອນຮັບສູ່ໂຮງຮຽນ ນານາຊາດ ຟຼອງໂກໂຟນ ຫຼວງພະບາງ

 

ການຮຽນຮູ້ສໍາລັບຊີວິດທີ່ມີຄວາມຫມາຍ

ກ່ຽວກັບ

ການຮັບຮອງ

ໂຮງຮຽນຂອງພວກເຮົາແມ່ນສ່ວນໜຶ່ງຂອງເຄືອຂ່າຍ AEFE ຂອງໂຮງຮຽນຝຣັ່ງຢູ່ຕ່າງປະເທດ, ມີ 566 ໂຮງຮຽນໃນທົ່ວໂລກ. ມັນເປັນໜຶ່ງໃນເຄືອຂ່າຍການສຶກສາທີ່ໃຫຍ່ທີ່ສຸດໃນໂລກ, ດໍາເນີນການຢູ່ໃນ 138 ປະເທດ.

AEFE Logo

ຫຼາຍພາສາ

ມັນບໍ່ສຳຄັນວ່າພາສາທຳອິດຂອງລູກທ່ານແມ່ນພາສາຫຍັງ ຫຼື ເຂົາເຈົ້າເວົ້າໄດ້ພຽງແຕ່ພາສາດຽວເທົ່ານັ້ນ. ເມື່ອພວກເຂົາເລີ່ມຕົ້ນເຂົ້າໂຮງຮຽນ, ພວກເຮົາຈະຈັດໃຫ້ມີການສອນເຂັ້ມພິເສດເພື່ອສ້າງໃຫ້ມີຄວາມຄ່ອງແຄ້ວໃນພາສາຝຣັ່ງ, ພາສາອັງກິດ, ຫຼື ພາສາລາວ.
ເພື່ອໃຫ້ມີຄວາມຊໍານິຊໍານານ, ເດັກນ້ອຍຮຽນວິຊາຕ່າງໆໃນພາສາຝຣັ່ງ, ພາສາອັງກິດ, ແລະ ພາສາລາວ.

EFLP

ການນໍາສະເຫນີ

 

ໂຮງຮຽນນານາຊາດ ຟຼອງໂກໂຟນ ຫຼວງພະບາງ ໄດ້ສ້າງຕັ້ງຂຶ້ນໃນປີ 2014 ເປັນການລິເລີ່ມຂອງເອກະຊົນ ໂດຍມີຈຸດປະສົງເພື່ອຂະຫຍາຍມາດຕະຖານການສຶກສາ ແລະ ຫຼັກສູດນອກໂຮງຮຽນໃຫ້ແກ່ນັກຮຽນໃນແຂວງຫຼວງພະບາງ. ພວກເຮົາຍິນດີຕ້ອນຮັບທ່ານຮຽນຮູ້ເພີ່ມເຕີມກ່ຽວກັບພວກເຮົາ!

ຂໍ້ຄວາມຍິນດີຕ້ອນຮັບຂອງຜູ້ອໍານວຍການ

“ດ້ວຍ​ຄວາມ​​ຍິນ​ດີ​ທີ່​ໄດ້​ຕ້ອນ​ຮັບ​ທ່ານ ​ແລະ ​ຄອບ​ຄົວຂອງທ່ານ​ເຂົ້າ​ມາ​ທີ່​ໂຮງ​ຮຽນ​ຟຼອງງ​ໂກ​ໂຟນ ຫຼວງ​ພະ​ບາງ.

ມື້ນີ້ຂ້າພະເຈົ້າມີຄວາມພູມໃຈຫຼາຍທີ່ໄດ້ເປັນຜູ້ອໍານວຍການຂອງ EFLP, ດ້ວຍທີມງານທີ່ມີຄວາມຫ້າວຫັນ, ຫຼາຍພາສາ ແລະ ຂ້າພະເຈົ້າຫວັງຢ່າງຍິ່ງວ່າດ້ວຍການສອນທີ່ມີຄຸນນະພາບຂອງພວກເຮົາ, ຄູສອນທີ່ມີຄວາມກະຕືລືລົ້ນຂອງພວກເຮົາ, ສະພາບແວດລ້ອມທໍາມະຊາດ ແລະ ມິດຕະພາບຂອງພວກເຮົາ, ທ່ານຈະໄດ້ພົບເຫັນສິ່ງທີ່ທ່ານຕ້ອງການສໍາລັບລູກຫຼານຂອງທ່ານ.

ຂ້າພະເຈົ້າຫວັງວ່າຈະໄດ້ຮູ້ຈັກກັບທ່ານ ແລະ ຍິນດີຕ້ອນຮັບຄອບຄົວຂອງທ່ານສູ່ໂຮງຮຽນ ຟຼອງໂກໂຟນ (EFLP). “

– Marie Roger

ຊີວິດການເປັນຢູ່ໃນໂຮງຮຽນ

ພວກເຮົາຈັດການຮຽນ-ການສອນ ໂດຍຖືເອົານັກຮຽນເປັນຫຼັກ. ພາ​ລະ​ກິດ​ຂອງ​ພວກ​ເຮົາ​: ພັດທະນາມະນຸດສຳພັນ ແລະ ຄວາມອ່ອນໄຫວຕໍ່ກັບຄວາມແຕກຕ່າງທາງດ້ານວັດທະນະທໍາ. ສ້າງ​ຄວາມ​ໝັ້ນ​ໃຈ​ໃນ​ຕົນ​ເອງ ເພື່ອ​ກຽມ​ເຂົາ​ເຈົ້າ​ໃຫ້​ມີ​ຄວາມ​ຮັບ​ຜິດ​ຊອບ ແລະ ເກັ່ງ​ໃນ​ໂລກ​ທີ່​ເຕັມ​ໄປ​ດ້ວຍ​ສິ່ງ​ທ້າ​ທາຍ​ໃໝ່.

ມາດຕະຖານການສຶກສາ

ແຕ່ລະພາສາແມ່ນສອນໂດຍຄູສອນທີ່ເປັນເຈົ້າຂອງພາສາສຳລັບ.

ສະມາຄົມຂອງພວກເຮົາ

ໂຮງຮຽນຂອງພວກເຮົາແມ່ນດຳເນີນການໂດຍສະມາຄົມທີ່ບໍ່ຫວັງຜົນກຳໄລທີ່ຈົດທະບຽນຢູ່ໃນປະເທດຟຣັ່ງ. ພໍ່ແມ່ຂອງນັກຮຽນທຸກຄົນເປັນສະມາຊິກຂອງສະມາຄົມ ແລະ ມີສ່ວນຮ່ວມໃນການຕັດສິນໃຈລົງທຶນພັດທະນາ ແລະ ການຄຸ່ມຄອງໂຮງຮຽນ. ໃນແຕ່ລະເທີມຮຽນພວກເຮົາໄດ້ມີການຈັດກອງປະຊຸມຂອງສະມາຊິກທັງໝົດ. ການຕັດສິນໃຈທີ່ສຳຄັນ ແລະ ການແຕ່ງຕັ້ງຄະນະກຳມະການຄຸ່ມຄອງແມ່ນຈະໄດ້ມີການລົງຄະແນນສຽງ.



ກິດຈະກຳພິເສດ

– ການເບິ່ງແຍ່ງພິເສດໃນຕອນບ່າຍຈົນຮອດ 4:30 ໂມງແລງ
– ສະໂມສອນລະຄອນຕອນແລງວັນພຸດ

ເຕັກໂນໂລຊີໃນຫ້ອງຮຽນ

ຫ້ອງຮຽນປະຖົມທັງໝົດມີຄອມພິວເຕີ ແລະ ເຄື່ອງສາຍວິດີໂອ.

ໃນໂຮງຮຽນມັດທະຍົມ, ນັກຮຽນໃຊ້ຄອມພິວເຕີສ່ວນບຸກຄົນຂອງເຂົາເຈົ້າສໍາລັບຫຼັກສູດທາງໄກ (CNED).

ການສອນກ່ຽວກັບເທັກໂນໂລຍີດິຈິຕອລແມ່ນສ່ວນໜຶ່ງທີ່ສຳຄັນຂອງຫຼັກສູດຊັ້ນປະຖົມ ແລະ ມັດທະຍົມ.

 

ອາຫານໃນໂຮງຮຽນ

ການກະກຽມອາຫານແມ່ນເຮັດໂດຍກຸ່ມນັກຮຽນເປັນສ່ວນໜຶ່ງຂອງກິດຈະກໍາການສຶກສາໃນຕອນເຊົ້າ. ໂຄງການ “ແຕ່ງກິນຢູ່ໂຮງຮຽນ” ນີ້ແມ່ນສ່ວນໜຶ່ງທີ່ສຳຄັນຂອງໂຄງການຫຼັກສູດຂອງພວກເຮົາ.

ນັກຮຽນ

ສັນຊາດ

ຄູສອນ

ປີໃນການດໍາເນີນງານ

ຂໍ້ມູນຕິດຕໍ່ EFLP

🏫 Ban Koy, Luang Prabang, LAO PDR 06000

📞 +856 0 20 28 169 076

💻 info@ef-lp.org

Ecole Francophone
de Luang Prabang

Ban Khoy
Luang Prabang
Lao PDR, 060000

© Copyright 2023 | EFLP - Ecole Francophone de Luang Prabang | Politique de confidentialité | Recrutement